-
Монгол хүн эх орондоо цэвэр агаараар амьсгалж ариун тунгалаг гол мөрний усаар ундаалан эрүүл газрын хөрсөн дээгүүр алхалж тансаг өвс ургамал, үзэсгэлэнт ой мод, амгалан тайван ан амьтныг харж амьдрах учиртай. Үүний тулд байгаль орчноо хамгаалах, хэрвээ бохирдсон, эвдэрсэн, сүйдсэн бол яагаад юунаас болов, хэн буруутайг мэддэг байх хэрэгтэй. Энэ бол иргэдийн байгаль орчны мэдээлэл авах эрх юм.
Нээлттэй Нийгэм Форум ба Дэлхийн нөөцийн хүрээлэн байгууллагаас Тайланд, Индонез болон Монгол Улсад “Иргэдийн байгаль орчны мэдээлэл авах эрхийг баталгаажуулах нь” (The Strengthening the Right to information for People and the Environment – STRIPE) төслийг хэрэгжүүлж байна.
Монгол Улсад энэ төслийг Хөвсгөл далайн эзэд, Ил тод байдал сан, Байгаль орчин, эрүүл мэнд төрийн бус байгууллагууд хариуцан хэрэгжүүлэхдээ Туул голын эрэг дагуух Төв аймгийн Заамар сум, түүний Хайлааст баг, Нийслэлийн Хан-Уул дүүргийн 13-р хороо (Туул тосгон, Шувуун фабрик) ба зэргэлдээх 12 (Сонгино, Биокомбинат), 14-р (Өлзийт хороо) хороодын нутаг дэвсгэрийн байгаль орчны нөхцөл байдал, тэнд амьдарч байгаа иргэд, оршин суугчдийг хамруулж байгаа болно.
Дэлгэрэнгүй мэдээллийг төслийн дэд сайтуудаас авна уу.
